Queenie's blog

結婚戒指,其實已經睇左好幾個月啦。。。不過, 一直都未有決定。

睇左好多間, 周大福,周生生,六福, 都睇唔中d款式！而cartier 既款, 又好一般,價錢又好高！

係兩個星期前一個晚上, 放工後去左市中心食飯, 經過謝瑞鏻, 衝入去睇下啦！係個日, Mr.water 好鍾意個對戒指。而我個日睇咩都覺得一般般啦！可能公司好多野都令自己心煩, 影響睇東西眼光。

Mr.water 雖然好喜歡, 但係, 都十分理會我感受, 見我話okay 啦。。。都知我麻麻地喜歡既心態！無即刻決定，拖左幾日, sales 姐姐不斷打俾Mr.water,話唔好考慮啦, 會計一個優惠價俾你！

好啦, 翌日又去聽下又幾多優惠，第2次再去, Mr.Water 其實已經好想confirm, 所以係咁叫人俾誠意價, 最後, 成功拿左15%off!原價HKD 21760, 減到HKD18880 ,  而我, 又係衰衰咁, 話想考慮下。。。 其實個一刻, 真係好想考慮下，因為仲想睇下先...

之後幾日, 不斷上網睇下其他款。 最後, 我都希望Mr.Water開心, 所以, 3月15日,星期日, 第3次再去, 決定買啦！ 總算平左咁多，而且全隻係意大利人手造返我倆個size！物超所值既...